os (outros) violadores

Estaba a me bañar na piscina que montei en casa. Ou sexa, na bañeira. E pensaba no meu corpo espido, ceibo de todo ultraxe. E comecei a matinar nesas rapazas que estes últimos días saíron nos xornais e nos seus violadores, todos eles menores de edade.

E dalle con cal será o motivo para forzar unha muller a ter relacións sen o seu consentimento.

Dalle con por que nas guerras os mulleres do pobo invadido son sistematicamente violadas.

Dalle con por que os violadores din ou pensan que as súas vítimas o están desexando: que as violen.

E por que, se tanto o desexan, lles obrigan a el usar a violencia. Putas!

No hemisferio norte, que é como dicir aquí mesmo, en Galiza ou en Madrid, a alta temperatura ambente fórzanos a veren corpos espidos ou cubertos por escasos centímetros de roupa. Ademais, o río ou a praia fan da calor un motivo para expórense e ollárense os uns aos outros.

Daí a violar hai un paso moi longo.

Os outros violadores, os que non son menores de edade, son adultos perversos. Violan nenas ou mulleres, mais teñen unha cousa en común: violentan, asoballan e danan fisica e psicoloxicamente a nenos ou nenas, a homes ou mulleres. Todos eses homes violan.

Síntoo moito: non me podo poñer na pel destes asasinos de almas. Non podo explicalo para que o entendan porque non podo imaxinarme facendo tal cousa. Podo imaxinarme sendo home, mais non podo imaxinarme violando.

Así que hai algo perverso. Perverso, non animal como se di ás veces. Porque os animais, coa excepción dos bípedes implumes, non violan. Non poden aínda que quixeran. A bioloxía fai que mentres as femias non estean receptivas non haxa maneira de penetralas.

Non sabemos se os outros animais, os que non violan, o farían se puideran, se a bioloxía permitira penetrar femias non receptivas.

Mais si que sabemos que os homes duplamente sabios violan. E que isto non está restrinxido a submundos senón que pode pasar mesmo no centro de traballo.

Pódome imaxinar unha violación mesmo no retrete dalgún Parlamento. O nivel de educación pode servir de moito noutros casos, mais nos casos de violación non serve de nada.

Fagamos todos o exercicio de imaxinar que o noso corpo e a nosa alma son violentados.

Entón entendemos por que non se entende a violación: porque é algo que ninguén querería para si mesm@.

A violación é algo que o violador non querería que lle fixeran. Alguén me eplica por que, entón, o fai a otr@s?

Isto foi o que deu de si o baño en bañeira dunha moza espida.